बुटवलमा थप ११ प्रहरीमा कोरोना संक्रमण

बुटवल—इलाका प्रहरी कार्यालय बुटवलमा कार्यरत थप ११ जना प्रहरीमा कोरोना संक्रमण देखिएको छ । यो सँगै एउटै कार्यालयमा संक्रमित प्रहरीको संख्या ३० पुगेको छ ।

सोमबार रातिको रिपोर्टअनुसार ११ जना प्रहरीमा कोरोना संक्रमण पुष्टि भएको इलाका प्रहरी कार्यालय बुटवलले जनाएको छ ।

थुनुवा र प्रहरीमा कोरोना पुष्टि भएपछि उनीहरूको सम्पर्कमा आएका र लक्षण देखिएका प्रहरीमा गरिएको परीक्षणमा सोमबार थप ११ जनामा कोरोना संक्रमण देखिएको हो ।

इलाका प्रहरी कार्यालयमा १ सय ५० भन्दा बढी प्रहरी कर्मचारी कार्यरत रहेका छन् ।