झापास्थित बी एण्ड सी अस्पतालमा क्याथल्याव सेवा सुरु

हेल्थ आवाज शनिबार, २०७७ कात्तिक २२ गते, १७:५४ मा प्रकाशित

काठमाडौं– झापाको विर्तामोडस्थित बि एण्ड सी अस्पतालमा क्याथल्याव सेवा सुरु भएको छ । अस्पतालले शनिबारबाट मुटु रोगीका लागि सो सेवा सुरु गरेको हो ।

क्याथल्याव सेवा सुरु गर्दै अस्पतालका कार्यकारी निर्देशक दुर्गा प्रसाईंले मुटुका बिरामीले उपचारका लागि दिल्ली र काठमाडौं जानुपर्ने बाध्यता हटेको बताए । ‘हामीले २ वर्षभित्र यसै अस्पतालबाट मुटु प्रत्यारोपण सेवा सुरु गर्ने तयारी गरिरहेका छौं,’ उनले भने, ‘अब मुटुका बिरामीले उपचारका लागि भारत र काठमाडौंका अस्पताल धाउनुपर्दैन ।’

आजबाट सञ्चालनमा आएको क्याथल्याव मुटु रोगीहरुलाई सहज र गुणस्तरीय सेवा दिने उद्धेश्यले सञ्चालनमा ल्याइएको अस्पतालका मटुरोग विशेषज्ञ डा. उमेश यादवले जानकारी दिए ।