जोखिम भत्ता नपाएका स्वास्थ्यकर्मीलाई छिटोभन्दा छिटो उपलब्ध गराउन मन्त्रालयको निर्देशन

काठमाडौँ – स्वास्थ्य तथा जनसंख्या मन्त्रालयले जोखिम भत्ता नपाएका स्वास्थ्यकर्मीलाई छिटोभन्दा छिटो उपलब्ध गराउन कोभिड अस्पतालहरुलाई निर्देशन दिएको छ।

शुक्रबार भएको नेपाल सरकार सचिबस्तरको निर्णयअनुसार जोखिम भत्ता नपाउने स्वास्थ्यकर्मीहरुलाई यथाशिघ्र उपलब्ध गराउन सबै कोभिड अस्पतालहरुलाई मन्त्रालयले निर्देशन दिएको हो।

कोरोना परीक्षण तथा उपचारमा संलगन स्वास्थ्यकर्मीले जोखिमभत्ता नपाएको गुनासोप्रति मन्त्रालयको ध्यानाकर्षण भएको जनाएको छ।

मन्त्रलायले जारी गरेको सुचनाअनुसार कोभिड अस्पतालहरुलाई कोभिड उपचार वापत अनुदान उपलब्ध गराउने सम्बन्धि आदेश, २०७७” बमोजिम कोभिड १९ संक्रमित प्रति विरामी प्रतिदिनको हिसाबले असोज मसान्तसम्मको छैसट्ठी करोड ८७ लाख रकम भूक्तानीको क्रममा रहेको छ। र सोहि रकमभित्रै स्वास्थ्यकर्मीको जोखिम भत्तासमेत समावेश गरी पठाइएको छ।