काठमाडौं—स्वयंम्भुस्थित मनमोहन मेमोरियल मेडिकल कलेज एण्ड शिक्षण अस्पताल सञ्चालन गरिरहेको नेपाल स्वास्थ्य सहकारी संस्था लिमिटेड (नेको) अध्यक्षमा राजेन्द्र पाण्डे भारी मतले विजयी भएका छन् । आइबार भएको संघको २० औं वार्षिक साधारणसभाबाट पाण्डे अध्यक्षमा विजयी भएका हुन् ।
अध्यक्षमा विजयी पाण्डेले ३५६ मत ल्याएर भने उनका निकटतम प्रतिद्वन्द्वी ई. गम्भीरलाल श्रेष्ठले २४८ मत ल्याए । यस्तै, तेस्रो स्थानमा रहेका शिवप्रसाद सिम्खडाले १०२ मत पाए ।
उपाध्यक्ष पदमा डा झलक शर्मा गौतम २९१ र हरिप्रसाद उप्रेती ३०१ मतका साथ विजयी भए । यस्तै, सचिव पदमा टेकबहादुर बम २९३ मतका साथ निर्वाचित भए । सहसचिव राजु ढकाल २७६ मतका साथ विजयी भए भने कोषाध्यक्षमा चुनावेदी केसी खड्का २४३ मत ल्याएर विजयी भइन् ।
सदस्यहरुमा ईश्वरी खनाल २७१, लक्ष्मी राई २८३, शोभा सापकोटा ३११, डा. रविन्द्र रेग्मी ३१६ र बोधकुमार अधिकारी २८३ मतका साथ विजयी भए ।
