देशभर थपिए ८२१ कोरोना संक्रमित, १८ जनाको मृत्यु

काठमाडौं– नेपालमा थप ८ सय २१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयलका अनुसार पछिल्लो २४ घन्टामा थप ८ सय २१ जनामा कोरोना संक्रमण पुष्टि भएको हो ।

जसमध्ये काठमाडौं उपत्यकामा थप ३ सय ३३ जनामा संक्रमण पुष्टि भएको छ । यो सँगै नेपालमा हालसम्म २ लाख ४९ हजार २ सय ४४ जनामा कोरोना संक्रमण पुष्टि भएको छ ।

आज देशभर ८ सय ४२ जना कोरोना संक्रमित निको भएका छन् । हालसम्म कोरोना जित्नेको संख्या २ लाख ३६ हजार ५ सय ७३ पुगेको छ ।
पछिल्लो २४ घन्टामा १८ जनाको कोरोना संक्रमणबाट ज्यान गएको मन्त्रालयले जनाएको छ । यो सँगै नेपालमा हालसम्म १ हजार ७ सय १६ जना कोरोना संक्रमितको ज्यान गएको छ ।

पछिल्लो २४ घन्टामा ५ हजार ४ सय २३ वटा पीसीआर परीक्षण भएको छ ।  नेपालमा हालसम्म १८ लाख ३६ हजार ४ सय ६४ पीसीअार परीक्षण भएकाे छ ।