कोरोना खोप अभियानमा स्वयंमसेविकालाई परिचालन गर्दै धनगढी

धनगढी – धनगढी उप–महानगरपालिकाले कोभिड १९ विरुद्धको खोप अभियानलाई प्रभावकारी बनाउनका लागि घरघरमा महिला स्वास्थ्य स्वयंमसेविका परिचालन गर्ने भएको छ ।

सरकारले खोप लगाउनका लागि प्राथमिकतामा पारेका ब्यक्तिहरुलाई अनिवार्य खोप लगाउनका लागि महिला स्वास्थ्य स्वयंमसेविका परिचालन गरिने नगरप्रमुख नृपबहादुर वडले बताए ।

कतिपयमा कोभिड-१९ विरुद्धको खोपका बिषयमा गलत बुझाइ र भ्रम समेत रहेकोले घरघरमा महिला स्वास्थ्य स्वयंमसेविका परिचालन गर्न लागिएको  नगरप्र्मुख वडले बताए  । आफुले पहिलो खोप लगाएको बताउँदै नगरप्रमुख वडले भने, ‘ केहि असर गर्दैन ढुक्कले खोप लगाउन अनुरोध गर्दछौं ।’