थप १ सय ६७ जनामा कोरोना पुष्टि

काठमाडौं—नेपालमा थप १ सय ६७  जनामा कोभिड—१९ पोजेटिभ पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप १ सय ६७ जनामा कोरोना संक्रमण पुष्टि भएको हो ।

यससँगै नेपालमा अहिलेसम्म कोरोना संक्रमित हुनेको संख्या २ लाख ७७ हजार १ सय ४७ पुगेको छ ।

नेपालमा पछिल्लो २४ घण्टामा १ सय १५ जना कोरोना संक्रमणमुक्त भएका छन् । नेपालमा अहिलेसम्म २ लाख ७२ हजार ७ सय २७ जना कोरोना संक्रमित संक्रमण मुक्त भएका छन् ।

पछिल्लो २४ घण्टामा २ जना कोरोना संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ । यससँगै अहिलेसम्म कोरोना संक्रमणबाट मृत्यु हुनेको संख्या ३ हजार ३० पुगेको छ ।