२०८३ मंसिर २, बुधवार
Health Aawaj logo
गृहपृष्ठ ∕ समाचार ∕ सरकारले स्वदेशमै इन्टर्नसिपको व्यवस्था गर्ने, सन् २०१५ का विद्यार्थीसँग आवेदन माग

सरकारले स्वदेशमै इन्टर्नसिपको व्यवस्था गर्ने, सन् २०१५ का विद्यार्थीसँग आवेदन माग


काठमाडौं- शिक्षा विज्ञान तथा प्रविधि मन्त्रालयले कोभिड–१९ महामारीले गर्दा विदेशमा इन्टर्नसिप गर्न नपाएका चिकित्सा शिक्षामा अध्ययनरत सन् २०१५ ब्याचका विद्यार्थीलाई आवेदन पेश गर्न आह्वान गरेको छ । मन्त्रालयले बुधबार सूचना जारी गरी सो देशमै इन्टर्नसिप गराउने व्यवस्था गरेको जनाउँदै आवेदन पेश गर्न आह्वान गरेको हो।

सो आवेदन शिक्षा मन्त्रालयको सूचना लिंकमा गएर विद्यार्थीले २२ गतेभित्र दिन सक्ने बताइएको छ। सरकारले सन् २०१४ ब्याचका लागि इन्टर्नसिप गराउने निर्णय गरेर आवश्यक प्रक्रिया समेत अगाडि बढाइसकेको जनाएको छ ।

सरकारद्वारा सुझाव पेश गर्न गठित कार्यदलले सन् २०१५ ब्याचमा भर्ना भइ सैद्धान्तिक अध्ययन पुरा गरी इन्टर्नसिप पुरा गर्न नपाएका मेडिकल विद्यार्थीलाई नेपालमै इन्टर्नसिप अनुमति प्रदान गर्न सुझाव दिने निर्णय गरेको थियो।

सो कार्यदलले सन् २०१५ ब्याचमा भर्ना भइ सैद्धान्तिक अध्ययन पुरा गरी इन्टर्नसिप लगायतका कोर्ष बाँकी रहेका विद्यार्थीहरुलाई स्वास्थ्य तथा जनसंख्या मन्त्रालयको समन्वयमा मन्त्रालय अन्तर्गतका अस्पतालमा प्रयोगात्मक अभ्यास गर्न अनुमति प्रदान गर्न स्वास्थ्य मन्त्रालयमा लेखि पाउने निर्णय गरेको छ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ