२०८१ साउन ८, मंगलबार
Health Aawaj logo
गृहपृष्ठसमाचारझाडापखाला फैलिएको क्षेत्रमा स्वास्थ्य मन्त्रालयको टोली

झाडापखाला फैलिएको क्षेत्रमा स्वास्थ्य मन्त्रालयको टोली


काठमाडौँ —स्वास्थ्य तथा जनसंख्या मन्त्रालयले झाडापखाला फैलिएको कपिलवस्तु जिल्लामा औषधीसहितको टोली पठाएको छ। बिहिबार बिहान मन्त्रालयले इपिडेमियोलोजी तथा रोग नियन्त्रण महाशाखाका जनस्वास्थ्य अधिकृत डा. शशी कँडेलको नेतृत्वमा ३ जनाको टोली पठाएको हो।

टोलीमा विश्व स्वास्थ्य संगठन र जनस्वास्थ्यका चिकित्सकहरु रहेका छन् । टोलीले हैजासँग मिल्दोजुल्दो लक्षण भएको सो रोग कहाँबाट आयो र कसरी फैलियो भन्नेबारेमा बुझ्ने र बिरामीको उपचार गर्ने स्वास्थ्य मन्त्रालयका प्रवक्ता डा. कृष्ण पौडेलले बताए। उनका अनुसार सो टोलीले औषधीजन्य सामग्री र कोलेरा किट पनि लिएर गएको छ ।

महामारी फैलिएको स्थलको पानी, बिरामीको दिसाबपिसाबको स्याम्पल पनि टोलीले संकलन गर्ने बताइएको छ।

झाडापखाला फैलिएपछि कपिलवस्तुमा स्कुलमा समेत बिरामी राखेर उपचार गरिएको अवस्था छ। हालै त्यहाँ २ सय बढी झाडापखालाका बिरामी छन्। जसमध्ये उपचारको क्रममा २ जनाले ज्यान समेत गुमाइसकेका छन्।

रोग फैलिँदा नगरपालिकाको वडा नं ८ बहादुरगञ्जका स्थानीय ४५ वर्षका रामप्रसाद केवट र ८ वर्षका राज कश्यपको मृत्यु भएको हो। बिरामीमा निरन्तर झाडाबान्ता हुने र शरीर निकै कमजोर बनाउने लक्षण देखिएका छन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ