२०८१ साउन ३, बिहीबार
Health Aawaj logo
गृहपृष्ठसमाचारस्वास्थ्य सेवा विभागको महानिर्देशकमा योग्य व्यक्ति नियुक्त गर्न सरकारी चिकित्सकको माग

स्वास्थ्य सेवा विभागको महानिर्देशकमा योग्य व्यक्ति नियुक्त गर्न सरकारी चिकित्सकको माग


काठमाडौं—सरकारी चिकित्सक संघ (गोदान)ले स्वास्थ्य सेवा विभागको महानिर्देशकमा योग्य व्यक्ति नियुक्त गर्न माग गरेको छ । बिहीबार संघका अध्यक्ष डा. रविन खड्का र महासचिव कीर्तिपाल सुवेदी एक विज्ञप्ति जारी गर्दै स्वास्थ्य सेवा विभागका निमित्त महानिर्देशक डा. आरपी बिच्छाको बिना कुनै कारण म्याद थपेकामा पनि ध्यानाकर्षण भएको जनाएका छन् ।

‘कुनै विशेषज्ञको विज्ञता राष्ट्रलाई आवश्यक भएमा निजको सेवा अवधि थप गर्नु र निजको विज्ञताको नाममा कार्यकारी पद नै सुम्पिन खोज्नु हास्यापद एवं गलत मनसायपूर्ण छ,’ उनले भने, ‘यसले महानिर्देशक हुन योग्यता पुगेका अन्य कर्मचारीलाई निराश र निरुत्साहित मात्र पारेको छैन कि अनुभव, लक्ष्य, पद्धति आदि सबैको धज्जी उडाइएको छ ।’

गोदानले सरकारकै तहबाट नियोजिन रुपमै व्यक्ति केन्द्रित भएर अस्पष्ट नियतले स्वास्थ्यजस्तो गम्भीर क्षेत्रको महानिर्देशक जस्तो पदलाई दुरुपयोग गरिनुलाई निकै खेदपूर्ण भनेको छ ।

‘उपरोक्त गल्तीहरुलाई सच्चाएर स्वास्थ्य सेवा विभागको महानिर्देशकमा नियमानअुसार योग्यताका आधारमा उपयुक्त व्यक्ति नियुक्त गरियोस् र हाल सो पद दिइएका विज्ञको सेवा राष्ट्रलाई साँच्चै आवश्यक नै हो भने निजलाई निजको विज्ञता बमोजिमकै सेवा गर्न दिइयोस् भनी तत्काल निर्णय सच्चाउन सम्बन्धितको ध्यानाकर्षण गराउँदछौं’ संघको विज्ञप्तीमा छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ