काठमाडौं आइपुग्यो माल्दिभ्स सरकारले दिएको २ लाख डोज एस्ट्राजेनेका खोप

काठमाडौं—माल्दिभ्स सरकारले नेपाललाई अनुदानमा दिएको २ लाख डोज कोभिड—१९ विरुद्धको खोप नेपाल आइपुगेको छ । सोमबार माल्दिभ्सले दिएको २ लाख १ हजार ६ सय डोज एस्ट्राजेनेकाको खोप काठमाडौं आइपुगेको हो ।

स्वास्थ्य तथा जनसंख्या मन्त्रालयकाअनुसार उक्त खोप टेकुस्थित स्वास्थ्य सेवा विभागको खोप भण्डार केन्द्रमा भण्डारण गरिएको छ ।

उक्त खोप अस्ट्राजेनेकोको पहिलो डोज लगाएर दोस्रो डोज लिन बाँकी रहेका र खोप नपाएकाहरुलाई दिइने छ । नेपालमा आइतबारसम्म ८६ लाख ६८ हजार ५ सय ५२ जनाले पहिलो डोज र ७१ लाख ८९ हजार ६ सय ८९ जनाले दोस्रो डोज खोप लगाइसकेका छन् ।

सरकारले चैतसम्म सबैलाई खोप दिइसक्ने योजनामा रहेको बताउँदैं आएको छ ।