२०८१ असार १, शुक्रबार
Health Aawaj logo
गृहपृष्ठसमाचारनेपालमै पहिलोपटक मन्थली नगरपालिकामा निःशुल्क मृगौला परीक्षण सेवा

नेपालमै पहिलोपटक मन्थली नगरपालिकामा निःशुल्क मृगौला परीक्षण सेवा


काठमाडौँ – रामेछापको मन्थली नगरपालिकाले नेपालमै पहिलोपटक निःशुल्क मृगौला परीक्षण गर्ने भएको छ । आइतबार एक कार्यक्रमबीच नगरपालिकाका नगरप्रमुख रमेशकुमार बस्नेतले २५ मङ्सिरबाट निःशुल्क मृगौला परीक्षण नगरभित्र बसोबास गर्ने सबै नगरबासीको गर्ने जनाएको हो ।

नगरप्रमुख बस्नेतले स्थानीय सरकार बनेपछि केही नयाँ गर्ने योजना अनुसार ७५३ वटै स्थानीय तहमा अहिलेसम्म नभएकोफरक र पहिलोपटक नगरका सबै नगरबासीको निःशुल्क मृगौला परीक्षण गर्ने योजना अगाडि बढाएको बताए।

उनका अनुसार नगरमा बाहिरबाट आएर नियमित रुपमा बसोबास गर्दै आएकाहरुलाई समेत यो अभियानमा सामेल गरिने छ । सो परीक्षणबाट मृगौला पीडित बनेकाहरुलाई उपचारका लागि सहयोग पुग्ने उनको भनाइ छ।

यस्तै, प्रमुख प्रशासकिय अधिकृत लिला राज पौडेलले सो अभियान मन्थली नगरपालिकाका नगरबासीको स्वास्थ्य स्थिति बुझ्ने एक महत्वपूर्ण सर्वेक्षण हुने बताउंदै यस अभियानलाई सफल पार्न सबैको सहयोगको आवश्यक रहेको जनाए।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ