२०८३ मंसिर २, बुधवार
Health Aawaj logo
गृहपृष्ठ ∕ समाचार ∕ भविष्य अन्योलग्रस्त भयो भन्दै चीनबाट एमबीबीएस पढेर इन्टर्न पूरा गर्न नपाएका विद्यार्थी आन्दोलित

भविष्य अन्योलग्रस्त भयो भन्दै चीनबाट एमबीबीएस पढेर इन्टर्न पूरा गर्न नपाएका विद्यार्थी आन्दोलित


 काठमाडौं—आफूहरुको भविष्य अन्योलग्रस्त बनाएको भन्दै चीनमा एमबीबीएस अन्तिम वर्षको पढाइ पूरा गरेका र इन्टर्नसीप नसकेरै नेपाल फर्किएका विद्यार्थीहरु आन्दोलित बनेका छन् । उनीहरुले आफूहरुलाई नेपालमै इन्टर्न गर्ने व्यवस्था गरिदिनुपर्ने मागसहित सोमबारबाट आन्दोलन थालेका हुन् ।

चीनबाट एमबीबीएस सन् २०१५/०१६ ब्याचमा एमबीबीएस अध्ययन पूरा गरेका तर, कोभिड—१९ का कारण इन्टर्न नगरी नेपाल फर्किएका १ सय ५३ विद्यार्थीहरु छन् । उनीहरुले चिकित्सा शिक्षा आयोग र नेपाल मेडिकल काउन्सिलले इन्टर्नसीपका लागि व्यवस्थापन नगरिदिएको भन्दैं आन्दोलन गर्नुपरेको जनाएका छन् ।

‘मानसिक रुप्मा हामीले यातना खेपिरहेका छौं । डिप्रेसनमा गएका छौं,’ चीनबाट एमबीबीएसको इन्टर्न नगरेर फर्किएका अभिशेक यादव भन्छन्, ‘हाम्रो माग पूरा नभएसम्म हामी आन्दोलन जारी राख्छौं । हामीसँग गुमाउन केही बाँकी छैन ।’ उनले काउन्सिल र आयोगका अधिकारीहरुले आफूहरुको माग नसुनी चलखेल गरेर आफूहरुको इन्टर्न अन्योलग्रस्त बनाउन भूमिका खेलेको आरोप लगाए ।

केही दिनअघि शिक्षा, विज्ञान तथा प्रविधी मन्त्रालयले विज्ञप्ति जारी गर्दै इन्टर्न नसकेर आएका विद्यार्थीहरुले सोही देशमा इन्टर्न गर्नुपर्ने र त्यसका लागि कुटनीतिक पहल गर्ने जनाएको थियो । तर, विद्यार्थीहरु सरकारको यो निर्णय अव्यवहारिक भएको आरोप लगाएका छन् । ‘अहिले कोभिड—१९ को नयाँ भेरियन्ट देखिएको छ । हाम्रो इन्टर्नका लागि सरकारले कुटनीतिक पहल गरेर बोर्डर खुलाउन सक्छ,’ यादवले थपे, ‘अहिले यो सम्भव र व्यवहारिक छैन ।’


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ