२०८१ असार ३०, आईतबार
Health Aawaj logo
गृहपृष्ठसमाचारप्रतिबन्धित एन्टीबायोटिकको कालोबजारी गर्दै कान्तिपुर भेट डिष्ट्रिब्युटर्स, डिडिएलाई छलियो

प्रतिबन्धित एन्टीबायोटिकको कालोबजारी गर्दै कान्तिपुर भेट डिष्ट्रिब्युटर्स, डिडिएलाई छलियो


काठमाडौं—सरकारले प्रतिबन्ध लगाएको एन्टीबायोटिकको कालोबजारी गरी बेचबिखन भइरहेको पाइएको छ । कान्तिपुर भेट डिष्ट्रिब्युटर्स प्रा.लि. ललितपुरले हल्याण्ड बनेका प्रतिबन्धित कोलस्टीन सलफेन एन्टीबायोटिक ल्याएर नेपालमा खुलमखुल्ला बेच्ने गरेको पाइएको छ ।

१९ मंसिरमा हेल्थआवाजले कोलिस्टीन सलफेट डेमोक्सन कान्तिपुर भेट डिष्ट्रिब्युटर्स र कोलिभेट भाटभटेनी डिष्टीब्युटर्स
उक्त प्रतिबन्धित एन्टीबायोटिक नेपालमा ल्याएर बेचिरहेको समाचार प्रकाशित गरेको थियो । दुई वटा कम्पनीमध्ये कान्तिपुर भेट डिष्ट्रिब्युटर्सका सञ्चालक ऋषि बरालले आफ्नो कम्पनीले दुई वर्षअघि सो औषधी ल्याउने गरेतापनि अहिले ल्याउन छोडेको र बिक्री वितरण पनि नगरेको दावी गरेका थिए ।

तर, हेल्थआवाजलाई प्राप्त सो डिष्ट्रिब्युटर्सको बिलमा कोलस्टिन सलफेट २१ अगष्ट २०२१ मा बिक्री वितरण गरेको पाइएको छ । हल्याण्डका दुई वटा ब्राण्ड कोलि—४८०० र एरिसेरिल ब्राण्ड १०० एमएलको क्रमसः ६० र ९६ रुपैयाँमा बिक्री गरेको देखिन्छ ।

ती दुवै औषधी सन् २०२१ को अप्रिल र मार्चमा बनेका छन् भने एक्स्पायर डेट २०२४ सम्म छ । यस्तै, कान्तिपुर भेटले नेपालमा दर्ता नै नभएको भारतीय कम्पनीको लेभिफ्ल्याक्स पनि बजारमा पठाइरहेको पाइएको छ । भारतको नेचुरल हर्बस एण्ड फर्मास्युटिकल्स प्रा.लि. उत्पादन गरेको सो औषधी नेपालमा खुल्ला रुपमा बिक्री वितरण भइरहेको छ ।

कान्तिपुर भेट र भाटभटेनीले डिष्ट्रिब्युटर्सले प्रतिबन्धित कोलस्टिन सलफेट बिक्री वितरण गरेको समाचार प्रकाशित भएतापछि औषधी व्यवस्था विभागले कान्तिपुर भेटमा अनुगमन गरेको थियो । ‘हामीले कान्तिपुर भेटको कार्यलय र वायरहाउसमा अनुगमन ग¥यौं,’ विभागका प्रवक्ता सन्तोष केसीले भने, ‘तर, त्यहाँ ल्याइएको, स्टक राखिएको र बिलिङ गरिएको कुनै पनि प्रमाण पाइएन् ।’ तर, हेल्थआवाजलाई प्राप्त चार महिनाको अगाडिको कान्तिपुर डिष्ट्रिब्युटर्सको बिलमा यी तीनै औषधी एक भेटनोफार्ममा पठाइएको पाइएको छ ।

३ भदौं २०७६ मा बसेको औषधी सल्लाहकार समितिको ५० औं बैठकबाट बैठकले उक्त फुड—एनिमल प्रडक्सन ९एन्टीबायोटिक० नेपालमा उत्पादन तथा बिक्री वितरणमा रोक लगाउने निर्णय गरेको थियो । उक्त निर्णयपछि औषधी व्यवस्था विभागले सार्वजनिक सूचना नै जारी गरेर कच्चा पदार्थ ल्याइसकेको भए नेपालमा ६ महिनाभित्र उत्पादन तथा बिक्री वितरण गरिसक्नुपर्ने र विदेशी उत्पादन आयात गरिएको भए तीन महिनाभित्रमा स्टक क्लरेन्स गरिसक्न निर्देशन दिएको थियो ।

यो एन्टीबायोटिक जनावरको चाडो वृद्धिका लागि प्रयोग गरिएतापनि मानिसमा लाग्ने रोगको रोग प्रतिरोधात्मक क्षमता बढाउनका लागि सञ्चित गर्न भारतलगायतका विभन्न देशहरुले बिक्री वितरणमा प्रतिबन्ध लगाएका छन् । यस्तै, जापान, मलेसिया, अष्ट्रेलिया, बंगलादेश, श्रीलंका, थाइल्याण्ड, इन्डोनेसिया, भियतनाम, सिंगापुर, भारत र धेरै युरोपियन देशहरुले यसमा प्रतिबन्ध लगाएका छन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ