मदन पुरस्कार गुठीको एमबीबीएस छात्रवृत्ति ऋशभकुमार झा र सुशिन तिवारीलाई

काठमाडौं—मदन पुरस्कार गुठी हरेक वर्ष प्रदान गर्ने एमबीबीएस अध्ययन छात्रवृत्तिका लागि ऋशभकुमार झा र सुशिन तिवारी छनोट भएका छन् । आइतबार गुठीले सूचना प्रकाशित गर्दै धनुषाका झा र कास्कीका तिवारीलाई सन् २०२१—२०२२ को एमबीबीएस छात्रवृत्तिका लागि छनोट गरिएको जानकारी दिएको हो ।

गुठीकी सदस्य सचिव कल्पना पराजुलीकाअनुसार झा आरजीकर मेडिकल कलेजमा एमबीबीएस अध्ययनका लागि छनोट भएका छन् भने तिवारी कलकत्ता मेडिकल कलेजमा एमबीबीएस अध्ययनका लागि छानिएका हुन् ।

यस्तै वैकल्पिक सूचीमा सर्लाहीका विशालकुमार चौधरी र धनुषाका प्रभाव यादव रहेका छन् ।

छात्रवृत्ति पाएकाहरुले उक्त दुवै मेडिकल कलेजमा निःशुल्क एमबीबीएस अध्ययन गर्न पाउनेछन् ।