२०८१ साउन ८, मंगलबार
Health Aawaj logo
गृहपृष्ठसमाचारराप्तीको उपकुलपतिका लागि तीन जनाको नाम चर्चामा

राप्तीको उपकुलपतिका लागि तीन जनाको नाम चर्चामा


काठमाडौं—२६ मंसिरबाट खाली उपकुलपति रिक्त रहेको दाङस्थित राप्ती स्वास्थ्य विज्ञान प्रतिष्ठानको नयाँ उपकुलपति बन्न तीन जनाको नाम चर्चामा छ । स्वास्थ्य मन्त्रालय स्रोतकाअनुसार राप्तीको भिसीको चर्चामा डा. विदुर वस्ती, डा. वीरेन्द्र तिवारी र डा. विकास लामिछाने रहेका छन् ।

राष्ट्रिय स्वास्थ्य संघका संस्थापक अध्यक्षसमेत रहेका डा. विदुर वस्ती स्वास्थ्य मन्त्रीको पहिलो रोजाइका व्यक्ति हुन् । लामो समय चितवन बसेर प्राध्यापन पेशामा समेत गरेका वस्तीले भने आफूलाई भने यसमा रुचि नभएको बताउँछन् । ‘मलाई यसमा रुचि छैन्,’ उनी भन्छन्, ‘कसैले मलाई सोधेको पनि छैन ।’

स्वास्थ्य मन्त्रालय पूर्व सहसचिव (११ औं तह) बाट सेवा निवृत्त भएका डा. विकास लामिछाने पनि उपकुलपतिका दौडमा छन् । गृहजिल्लामा रहेको प्रतिष्ठान भएका कारण पनि राप्तीको उपकुलपतिमा उनको बढी चासो छ । ‘अघिल्लो पटक पनि मेरो चासो थियो, भएन,’ उनले भने, ‘आफ्नै गृहजिल्ला भएकाले रुचि हुनु स्वभाविक हो ।’

भिसीको दौडमा रहेका डा. वीरेन्द्र तिवारी अहिले कर्णाली स्वास्थ्य विज्ञान प्रतिष्ठानमा कार्यरत छन् । नेपाललगायतका विभिन्न मुलुकहरुको अनुभव छ,’ उनी भन्छन्, ‘नयाँ बन्दै गरेको संस्थालाई संसारकै मोडल संस्था बनाउन मसँग भिजन भएकाले मैले रुचि देखाएको हो । मसँग अमेरिका, दक्षिण कोरिया, चीनलगायतका देशहरुको स्वास्थ्य संस्था र शिक्षाको अनुभव छ ।’ डा. तिवारीले नेपालमै कम खर्चमा राम्रो स्वास्थ्य शिक्षा र सेवा दिने संस्था बनाउनका लागि पनि आफू नयाँ ठाउँको नेतृत्व लिने चाहेको बताउँछन् ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ