काठमाडौं – नेपालमा एकैपटक थप ५ हजार ८७ जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा नेपालमा ५ हजार ८७ मा संक्रमण पुष्टि भएको छ ।
भारतमा कोभिड-१९ संक्रमण तीव्र रुपमा फैलिएसँगै नेपालमा पनि संक्रमितको संख्या दिनप्रतिदिन ह्वात्तै बढिरहेको छ ।
यससँगै नेपालमा अहिलेसम्म कोभिड-१९ बाट संक्रमित हुनेको संख्या ८ लाख ४५ हजार ५ सय १ पुगेको छ । दैनिक एक/दुई सयको हाराहारीमा देखिने गरेको संक्रमितको संख्या केहि दिनयता निरन्तर वृद्धि भैरहेको छ। कोभिड संक्रमण यस साता निरन्तर उकालो लाग्दो क्रममा छ ।
पछिल्लो २४ घण्टामा थप ३०६ जना संक्रमणमुक्त भएका छन्। यससँगै अहिलेसम्म नेपालमा कोभिड-१९ संक्रमणमुक्त हुनेको संख्या ८ लाख १५ हजार ६ सय ५३ पुगेको छ ।
पछिल्लो २४ घण्टामा ३ जना कोभिड संक्रमितले ज्यान गुमाएका छन् । यससँगै नेपालमा कोभिडबाट ज्यान गुमाउनेको संख्या ११ हजार ६ सय १३ पुगेको छ ।
यस्तै, शुक्रबार सक्रिय संक्रमितको संख्या १८ हजार २ सय ३५ पुगेको छ ।
