२०७८ माघ १४, शुक्रबार
Health Aawaj logo
गृहपृष्ठसमाचारआयोगले तोकेकोभन्दा बढी शुल्क नलिने, छात्रावासको शुल्क कलेज र अभिभावकको छलफबाट तय गरिने

आयोगले तोकेकोभन्दा बढी शुल्क नलिने, छात्रावासको शुल्क कलेज र अभिभावकको छलफबाट तय गरिने

सिट रिक्त हुन नदिन एकीकृत प्रवेश परीक्षा प्रणालीमा आयोगले संशोधन गर्ने


काठमाडौं—चिकित्सा शिक्षाको स्नातक तहको एमबीबीएसको शुल्क आयोगले तोकेको भन्दा बढी नलिनेमा मेडिकल कलेजका सञ्चालकहरु तयार भएका छन् । शुक्रबार शिक्षा, विज्ञान तथा प्रविधी मन्त्रालयले नोबेल मेडिकल कलेज, काठमाडौं मेडिकल कलेजलगायतमा शुल्क विवाद देखिएपछि बोलाएको बैठकमा मेडिकल सञ्चालकहरु बढी शुल्क नलिन सहमत भएका हुन् ।

यस्तै, छात्रावासका बारेमा देखिदैं आएको शुल्क सम्बन्धी विवादका भने कलेजका सञ्चालक, अभिभावक र विद्यार्थीको छलफलबाट तय गर्ने सहमति भएको छ ।

विश्वविद्यालय, विषयगत काउन्सिल, शिक्षण संस्थालाई बुझाउनुपर्ने शुल्कका विषयमा भने आयोगले आगामी शैक्षिक सत्रदेखि निर्धारण गर्नका लागि कार्य सुरु गर्ने मन्त्रालयका सहसचिव डा. हरिप्रसाद लम्सालले छलफलपछि जारी गरेको विज्ञप्तिमा उल्लेख छ ।

यसैगरी, चिकित्सा शिक्षा ऐन, २०७५ को कार्यन्वयनका सन्दर्भका देखिएका असहजता निवारणका लागि सम्बन्धित निकाय, विज्ञ तथा अन्य सरोकारवालासँग छलफल एवं परामर्श गरेर संशोधनका सम्बन्धमा आयोगले अबिलम्ब राय दिने सहमति भएको छ भने सिट रिक्त रहने समस्यालाई सम्बोधन गर्न एकीकृत प्रवेश परीक्षाको प्रणालीमा आयोगले सुधार गर्ने विज्ञप्तिमा उल्लेख छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)