२०८० चैत्र १५, बिहीबार
Health Aawaj logo
गृहपृष्ठसमाचारकोभिड-१९ विरुद्धको खोप लगाउन २० हजार घुस लिने स्वास्थ्यकर्मीसहित २ जना नियन्त्रणमा

कोभिड-१९ विरुद्धको खोप लगाउन २० हजार घुस लिने स्वास्थ्यकर्मीसहित २ जना नियन्त्रणमा


काठमाडौं-सरकारले निःशुल्क रुपमा उपलब्ध गराइरहेको कोभिड-१९ विरुद्धको खोप २० हजारमा बेच्ने एक जना स्वास्थ्यकर्मीसहित २ जना पक्राउ परेका छन् । अख्तियार दुरुपयोग अनुसन्धान आयोगले जोनसोन एण्ड जोनसोनको खोप लगाउँदा २० हजार घुस लिएको आरोपमा महोत्तरीबाट एक जना स्वास्थ्यकर्मीसहित २ जनालाई नियन्त्रणमा लिएको हो ।

अख्तियारको केन्द्रीय कार्यलय काठमाडौंबाट गएको टोलीले महोत्तरीको सनषुडा स्वास्थ्य चौकीमा कार्यरत हेल्थ असिस्टेन्ट (एचए) अजयकुमार साह र कृष्णाकुमार यादवलाई नियन्त्रणमा  लिएको हो । एचए साहको निर्देशनमा यादवले कोभिड-१९ विरुद्धको जोनसोन एण्ड जोनसोनको खोप लगाउँदा सेवाग्राहीसँग २० हजार घुस लिएका थिए । सोही क्रममा अख्तियारको टोलीले नियन्त्रणमा लिएको थियो ।

खोप लगाउँदा घुस लिएको पुष्टि भएको भन्दैं अख्तियारले साह विरुद्ध भ्रष्टाचार निवारण ऐन २०५९ को दफा ३ को उपदफा १ को कसुरअनुरुप साहलाई २० हजार बिगो जरिवाना गरी भ्रष्टाचार निवारण ऐनअनुसार सजाय माग गर्दै मुद्धा दायर गरेको छ ।

यस्तै, यादवलाई पनि सोही ऐनअनुसार विशेष अदालत काठमाडौं मुद्धा दायर गरेको अख्तियारका सहायक प्रवक्ता वेदप्रसाद भण्डारीले जानकारी दिए ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ