चिकित्सा शिक्षा स्नातक तहको एकीकृत प्रवेश परीक्षाको आवेदन दिने समय थप

काठमाडौं—चिकित्सा शिक्षा आयोगले चिकित्सा शिक्षाका स्नातक तहका कार्यक्रमहरुको प्रवेश परीक्षाका लागि आवेदन दिने समय थप गरेको छ । सोमबार आयोगका उपसचिव बद्रीबहादुर पाठकले एक विज्ञप्ति जारी गर्दै ६ फागुनसम्म आवेदन दिन सक्ने जनाएका छन् ।

६ फागुनसम्म आवेदन दिनका लागि बैंक दाखिला भने ४ फागुन अपरान्ह ३ बजेसम्म गरिसक्नुपर्नेछ ।

विश्वविद्यालय, प्रतिष्ठान र अन्तर्गतका शिक्षण संस्थाहरुमा स्नातक कार्यक्रम भर्नाका लागि लिइने उक्त प्रवेश परीक्षामा आवेदन दिने समय यसअघि २० माघसम्म तोकिएको थियो ।