प्रदेश १ को स्वास्थ्य सचिवमा डा. अनुज भट्टचन

काठमाडौं—प्रदेश नं. १ को स्वास्थ्य सचिवमा डा. अनुज भट्टचन नियुक्त भएका छन् । सोमबार संघीय मामिला तथा सामान्य प्रशासन मन्त्रलायले डा. भट्टचनलाई प्रदेश १ को स्वास्थ्य सचिवको जिम्मेवारी तोकेको हो ।

सामान्य प्रसासन मन्त्रालयको कर्मचारी प्रशासन शाखा प्रमुख रघुराम विष्ट डा. भट्टलाई प्रदेश १ को स्वास्थ्य सचिवको जिम्मेवारी दिइएको जानकारी दिए । प्रदेश नं. १ मा आइतबार मात्रै नयाँ स्वास्थ्य मन्त्रालय गठन गरिएको थियो ।

यसअघि स्वास्थ्य तथा जनसंख्या मन्त्रालयले डा. भट्टचनलाई गण्डकी प्रदेशको स्वास्थ्य सचिवका लागि सामान्य प्रशासनलाई पत्राचार गरेको थियो । तर, सामान्यले उक्त पत्रमाथि कुनै प्रक्रिया अगाडि बढाएको थिएन ।

झण्डै तीन महिनादेखि फाजिलमा रहेका डा भट्टचनलाई १२ मंसिरमा स्वासथ्य मन्त्रालयले गण्डकी प्रदेशको स्वास्थ्य सचिव बनाउन सिफारिस गरेको थियो । तर, त्यसमाथि प्रक्रिया अगाडि नबढेपछि उनी पाँच महिनादेखि फाजिलमा रहेका थिए ।