२०८१ असार ११, सोमबार
Health Aawaj logo
गृहपृष्ठसमाचारभारतमा कोभिडको पहिलो नाक स्प्रे लन्च, ४८ घण्टामा भाइरस मार्ने दावी

भारतमा कोभिडको पहिलो नाक स्प्रे लन्च, ४८ घण्टामा भाइरस मार्ने दावी


भारतले कोभिड–१९ विरुद्धको लडाइमा अर्को नयाँ ‘हतियार’ पाएको छ । भारतमा यसको उपचारका लागि नाक स्प्रे लन्च गरिएको छ ।

नाकमा यो औषधी स्प्रे गरेपछि ४८ घण्टाभित्र कोभिड नाश हुने दाबी गरिएको छ । नाइट्रिक अक्साइड भएको यो औषधी प्रयोग गरेपछि २४ घण्टामा भाइरल लोडमा ९४ प्रतिशतको कमी र ४८ घण्टामा ९९ प्रतिशत कमी आएको दावी गरिएको हो ।

‘ग्लेनमार्क फार्मास्युटिकल्स’ले क्यानेडियन बायोटेक कम्पनी ‘सानोटाइज रिसर्च’सँग मिलेर सो स्प्रे तयार पारेको हो । ग्लेनमार्क फार्मास्युटिकल्सले बुधबार कोभिड-संक्रमित वयस्कहरूको उपचारका लागि नाइट्रिक अक्साइड नाक स्प्रे (नाकबाट लिने औषधि) लन्च गरेको हो ।

उक्त स्प्रे वयस्कहरूका लागि हो जो संक्रमित भएमा गम्भीर रूपमा बिरामी हुने उच्च जोखिममा छन्। भारतमा यो औषधी ‘फेबिस्प्रे’ नामबाट बजारमा ल्याएको छ । भारतमा फेबिस्प्रेको मूल्य रु ८५० हुने बताइएको छ।

एक बिरामीलाई एक बोतल पर्याप्त हुने बताइएको छ ।  डाक्टरले यो औषधी प्रिस्क्राइब गर्नेछन्, त्यसपछि मात्रै बजारबाट किन्न सकिन्छ । अहिले यो औषधी सिधै केमिस्टबाट किन्न पाइदैन।

यसअघि मुम्बईको ग्लेनमार्क कम्पनीले नाइट्रिक अक्साइड नाक स्प्रेको उत्पादन र बिक्रीका लागि ड्रग कन्ट्रोलर जनरल अफ इन्डिया (डिसिजजीआइ) को स्वीकृति प्राप्त गरेको थियो।

कम्पनीको अनुसार फेविस्प्रे नाकभित्र कोभिड-१९ को भाइरस नष्ट गर्न डिजाइन गरिएको छ ताकि यो फोक्सोमा पुग्न नसकोस् ।

हिन्दुस्तान टाइम्सबाट 


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ