२३ जना नयाँ संक्रमित थपिए, ६६ जना संक्रमणमुक्त

काठमाडौं-नेपालमा थप २३ जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप २३ जनामा कोभिड पोजेटिभ देखिएको हो ।

पछिल्लो २३ घण्टामा ६६ जना कोभिड-१९ संक्रमणमुक्त भएका छन् । यससँगै अहिलेसम्म कोभिड संक्रमणमुक्त हुनेको संख्या ९ लाख ६५ हजार ६ सय २५ पुगेको छ ।

आइतबारसम्म नेपालमा ८ सय ९९ जना सक्रिय संक्रमित रहेका छन् ।

अहिलेसम्म नेपालमा कोभिड-१९ संक्रमणबाट ११ हजार ९ सय ५१ मृत्यु भएको छ ।