२०८३ मंसिर २, बुधवार
Health Aawaj logo
गृहपृष्ठ ∕ समाचार ∕ समाजवादीको घोषणापत्रः जटिलबाहेकका शल्यक्रिया गाउँमै, मोबाइल नर्सिङ सेवा सञ्चालन गर्ने

समाजवादीको घोषणापत्रः जटिलबाहेकका शल्यक्रिया गाउँमै, मोबाइल नर्सिङ सेवा सञ्चालन गर्ने


काठमाडौं—स्थानीय निर्वाचनका लागि नेकपा (एकीकृत समाजवादी)ले घोषणापत्र सार्वजनिक गरेको छ । ३० बैशाखमा हुने निर्वाचनका लागि मंगलबार सार्वजनिक उक्त घोषणापत्रमा ‘जनताको अधिकारः निःशुल्क स्वास्थ्योपचार’ नाम दिएर स्वास्थ्यका कार्यक्रमहरु समेटिएको छ ।

एकीकृत समाजवादीले स्थानीय सरकारका कामहरुमध्ये निःशुल्क रुपमा जनतालाई स्वास्थ्योपचार उपलब्ध गराउने कुरालाई प्राथमिता दिइने उल्लेख गरेको छ ।

घोषणापत्रमा जटिल खालका शल्यक्रिया (जस्तैः मुटु, मिर्गौला, कलेजो, फोक्सो र टाउकोको भित्री शल्यक्रिया) बाहेकका उपचारहरु स्थानीय अस्पतालबाट निःशुल्क रुपमा उपलब्ध गराउने व्यवस्था गरिनेछ ।

यसैगरी, स्थानीयस्तरमा आधुनिक स्वास्थ्य सेवा पु¥याउने, स्वास्थ्य उपचार सम्बन्धि स्थायनी ज्ञान र सीपको संरक्षण गर्ने, पालिकास्तरमा विशेषज्ञ चिकित्सकलाई आकर्षित गर्न स्थानीय सरकारले आकर्षक प्याकेजको व्यवस्था गर्ने, जनतालाई सहज स्वास्थ्य उपचार दिन घुम्ती स्वास्थ्य शिविर सञ्चालन गर्ने, मोबाइल नुिर्सङ, टेलिमेडिसिन र टोल टोलमा सामुदायिक स्वास्थ्य केन्द्र स्थापना गर्ने पनि घोषणा पत्रमा जनाइएको छ ।

यस्तै, सबै पालिकाहरुमा एम्बुलेन्स उपलब्ध गराउने समाजवादीले घोषणा पत्रमा उल्लेख गरेको छ । उसले स्वास्थ्य स्वयंसेविका र ग्रामीण स्वास्थ्य कार्यकर्तालार्य आवश्यक तालिम र प्रोत्साह भत्ताको व्यवस्था गरिने, स्वास्थ्य बिमालाई सहज र सुलभ बनाइने कुरा घोषणा पत्रमा समेटेको छ ।

यसैगरी, अस्पताललगायतका स्वास्थ्य संस्थाको स्तरोन्नती, साधन स्रोत र जनशक्तियुक्त बनाइने घोषणा पत्रमा छ । वौद्धिक अपांगता भएकाहरुलाई उपचार र आवश्यक सहयोगको व्यवस्था गर्ने पनि एकीकृत समाजवादीले घोषणापत्रमा उल्लेख गरेको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ