२०८१ असार ७, बिहीबार
Health Aawaj logo
गृहपृष्ठसमाचारस्वास्थ्य मन्त्रालयले भन्यो, ‘कोभिडको जोखिम कम भएको छैन, जनस्वास्थ्यका मापदण्ड पालना गरौं’

स्वास्थ्य मन्त्रालयले भन्यो, ‘कोभिडको जोखिम कम भएको छैन, जनस्वास्थ्यका मापदण्ड पालना गरौं’


काठमाडौं—स्वास्थ्य तथा जनसंख्या मन्त्रालयले कोभिड—१९ महामारीको जोखिम कायम रहेको भन्दैं सचेत रहन आग्रह गरेको छ । बिहीबार मन्त्रालयकी प्रवक्ता डा. संगीता कौशल मिश्राले एक विज्ञप्ति जारी गर्दै संख्यात्मक रुपमा संक्रमण कम भएपनि जोखिम कायमै रहेको बताएकी छन् ।

प्रवक्ता डा. मिश्राले भारतलगायतका छिमेकी राष्ट्रहरुमा पछिल्ला दिनहरुमा कोभिड—१९ को संक्रमण बढ्दो क्रममा रहेका जनस्वास्थ्यका मापदण्डहरु पालना गर्न आग्रह गरेकी छन् ।

‘कोभिड—१९ को संक्रमण दर भारतलायतका छिमेकी राष्ट्रहरुमा पछिल्ला केही दिनमा बढ्दो क्रममा रहेको वर्तमान अवस्थामा संक्रमणको जोखिम कायम नै रहेकाले संक्रमण रोकथाम तथा नियन्त्रणका लागि प्रभावकारी भूमिका बढाउन संवेदनशील भई जिम्मेवार बनी जनस्वास्थ्यका मापदण्डहरुको पालना गर्न गराउन स्वास्थ्य तथा जनसंख्या मन्त्रालय सम्बन्धित सबैमा हार्दिक अनुरोध गर्दछ ।’

मन्त्रालयले कोभिड—१९ विरुद्धको खोप लगाउन, लगाउन प्रेरित गर्न र समयका पुगेकालाई बुस्टर डोज लगाउन पनि आग्रह गरेको छ ।


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ