थप १४ जनामा कोभिड-१९ संक्रमण

काठमाडौं—नेपालमा थप १४ जनामा कोभिड-१९ संक्रमण पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप १४ जनामा संक्रमण पुष्टि भएको हो ।

पछिल्लो २४ घण्टामा १९ जना कोभिड-१९ संक्रमणमुक्त भएका छन् । मन्त्रालयकाअनुसार पछिल्लो २४ घण्टामा कोभिड-१९ बाट मृत्यु हुनेको संख्या शुन्य रहेको छ । अहिलेसम्म नेपालमा ११ हजार ९ सय ५१ जनाको कोभिडबाट मृत्यु भएको छ ।

नेपालमा सक्रिय संक्रमितको संख्या २ सय ४३ रहेको छ ।