महासंघका सदस्य यम चिदी र विष्णुमाया लुङ्चे गाउँपालिकाको अध्यक्ष र उपाध्यक्षमा निर्वाचित

काठमाडौँ – पाल्पा जिल्लाको माथगाढि गाउपालिका वडाअध्यक्षमा राष्ट्रिय स्वास्थ्यकर्मी महासंघ नेपालका केन्द्रिय कमिटीका सदस्य यम बहादुर चिदी निर्वाचित भएका छन्। त्यस्तै, महासंघकै अर्की सदस्य विष्णुमाया लुङ्चेमगर सोही गाउँपालिकाको उपाध्यक्षमा निर्वाचित भएकी छिन्।

महासंघका दुवै सदस्य स्थानीय तहको निर्वाचनमा स्वास्थ्य सेवाबाट राजीनामा दिएर निर्वाचनमा होमिएका थिए।

स्वास्थ्य बिमा बोर्ड पाल्पाका प्रमुख पदमा कार्यरत यम वहादुर चिदी राजीनामा दिइ  नेकपा एमालेबाट पालिका अध्यक्ष पदका उम्मेदवारमा उठेका थिए । उनी  ६ हजार १०९ मत प्राप्त गरी विजयी भएका हुन् ।

त्यस्तै, गाउँपालिकाको गोठादी स्वास्थ्य चौकीमा अनमी पदमा कार्यरत लुङ्चे पनि पदबाट राजीनामा दिइ पालिकाको उपाध्यक्ष पदको उम्मेदवार बनी चुनावी मैदानमा होमिएकी थिइन्।