डाक्टरमाथि कुटपिट गर्ने ट्राफिक प्रहरी निलम्बनमा

काठमाडौँ –  डाक्टरमाथि कुटपिट गर्ने ट्राफिक प्रहरी निलम्बनमा परेका छन्। ड्युटी सकेर ललितपुर एकान्तकुना यातायातको बाटोमा हिँडिरहेका डा. कुलबहादुर घिसिङलाई कुटपिट गर्ने ट्राफिक प्रहरी राज्नेद्र थापा निलम्बनमा परेका हुन्।

प्रहरी थापाले पुल्चोकस्थित आरोग्य फाउन्डेसनमा कार्यरत डा. घिसिङ्गलाई आइतबार राति पौने ९ बजे ड्युटी सकेर एक्लै पैदल घर फर्किरहेको समयमा ‘किन ठोक्किँदै हिँडिरहेको’ भन्दै  कुटपिट गरेका थिए ।

प्रहरी थापालाई आवश्यक कारवाही गर्न र उपचार खर्च दिन माग गर्दै चिकित्सका आफन्तले जिल्ला प्रहरी परिसर ललितपुरलाइ सोमबार निवेदन दिएक थिए  । त्यसपछि प्रहरीले थप कारवाही अघि बढाएको हो ।