२०८१ असार ३०, आईतबार
Health Aawaj logo
गृहपृष्ठसमाचारवीर्य र अण्ड दानको केन्द्रीय तथ्यांक प्रणाली स्थापना गर्न गौतमको संशोधन दर्ता

वीर्य र अण्ड दानको केन्द्रीय तथ्यांक प्रणाली स्थापना गर्न गौतमको संशोधन दर्ता


काठमाडौं—राष्ट्रिय स्वतन्त्र पार्टीकी सांसद सोविता गौतमले वीर्य र अण्ड दानका लागि केन्द्रीकृत तथ्यांक प्रणाली हुनुपर्ने माग गरेकी छन् । आइतबार संसदमा सरकारको नीति तथा कार्यक्रममाथि संशोधन राख्दैं उनले वीर्य र अण्ड दानको कुरा निकै संवेदनशील भएकाले केन्द्रीकृत तथ्यांक प्रणाली हुनुपर्ने भन्दैं उनले संशोधन दर्ता गराएकी छन् ।

सरकारले शुक्रबार सार्वजनिक गरेको नीति तथा कार्यक्रमको १३९ औं बुँदामा सातवटै प्रदेशका संघीय अस्पतालमा बाँझोपन तथा निःसन्तानको उपचार सेवा सुरु गर्ने कुरा सरकारले अगाडि सारेको छ । उक्त नीतिमाथि संशोधन राख्दैं सांसद गौतमले केन्द्रीकृत तथ्यांक राख्न संशोधन दर्ता गराएकी हुन् ।

‘बाँझोपनको सवालमा अहिले कृत्रिम प्रणालीहरु अपनाएर बच्चा जन्माउने प्रचलन बढिरहेको छ । यसका लागि सेन्ट्रलाइज डाटा हुनुपर्छ,’ सांसद गौतमले भनिन्, ‘किनभने, वीर्य र अण्ड डोनेसनका कुराहरु निकै संवेदनशील भएर आएका छन् । यसको सवालमा केन्द्रीकृत तथ्यांक प्रणाली हुनुपर्छ ।’


क्याटेगोरी : समाचार



तपाईको प्रतिक्रिया दिनुहोस


ट्रेण्डिङ