२०८१ असार २९, शनिबार
Health Aawaj logo
गृहपृष्ठकर्णाली प्रदेशमुगु छायाँनाथ रारा नगरपालिकाले सहुलियत फार्मेसी खोल्ने

मुगु छायाँनाथ रारा नगरपालिकाले सहुलियत फार्मेसी खोल्ने


वीरेन्द्रनगर—मुगु जिल्लाको छायाँनाथ रारा नगरपालिकाले अत्यावश्यक औषधि उपलब्ध गराउन सहुलियत फार्मेसी सञ्चालनमा ल्याउने भएको छ । नगरपालिकाको १३ औं नगरसभाले सहुलियत फार्मेसी खोल्ने निर्णय गरेको हो ।

बिरामीले औषधि नपाएर सास्ती खेप्नुपर्ने पाएको औषधि पनि महंगो हुने भएकोले नगरसभाले गमगढी बजारमा दुई वटा सहुलियत फार्मेसी खोल्ने निर्णय गरेको छ ।

सेवाग्राहीको सुविधालाई ध्यानमा राखी जिल्लाको सदरमुकाम गमगढी बजारमा नगरपालिकाले दुई वटा सहुलियत दरमा औषधि बिक्री गर्ने गरी फार्मेसी सञ्चालनमा ल्याउन लागेको नगरपालिका नगरप्रमुख विष्णुकुमार भामले बताए ।

‘जिल्लाका नागरिकलाई सहज रुपमा औषधि उपलब्ध गराउने उद्देश्यले सदरमुकाम गमगढीको तल्लो र माथिल्लो बजारमा एक÷एक वटा सहुलियत औषधि बिक्री गर्ने फार्मेसी खोल्न लागिएको छ,’ उनले भने, ‘फार्मेसीका लागि २० लाख रुपैयाँ छुट्याइएको छ ।’


क्याटेगोरी : कर्णाली प्रदेश, समाचार



तपाईको प्रतिक्रिया दिनुहोस


ट्रेण्डिङ