सेती प्रादेशिक अस्पतालको मेडिकल सुपरिटेन्डेन्टमा पुनः डा. पाण्डे

धनगढी—सुदूरपश्चिम प्रदेशको रेफरल अस्पतालको रुपमा रहेको सेती प्रादेशिक अस्पतालको प्रमुख मेडिकल सुपरिडेन्टेन्टमा पुनः डा हेमराज पाण्डेयलाई जिम्मेवारी दिइएको छ । आइतबार सुदूरपश्चिमको सामाजिक विकास मन्त्रालयले डा. पाण्डेयलाई मेसु जिम्मेवारी प्रदान गरेको मन्त्रालय स्रोतले जनाएको छ ।

गत आर्थिक वर्षको भदाैंमा डा. पाण्डेलाई महाकाली अस्पताल सरुवा गरिएको थियो । डा. पाण्डेको सरुवापछि डा. शेरबहादुर कमरले गत असोजबाट सेतीको प्रमुख मेडिकल सुपरिटेन्डेन्टले जिम्मेवारी पाएका थिए ।

डा. पाण्डे महाकाली अस्पताल नगई मुख्यमन्त्री कार्यालयमा हाजिरी गर्दै आएका थिए । मन्त्रालयले डा.पाण्डे सेती प्रादेशिक अस्पतालको वरिष्ठ चिकित्सक भएकाले सो जिम्मेवारी प्रदान गरिएको जनाएको छ ।

यसअघि पनि उनले लामो समेत सेतीको मेसुको जिम्मेवारी सम्हालेका थिए ।