स्वास्थ्यमन्त्रीद्वारा पाँच जनाको विज्ञ सल्लाहकार समिति गठन

काठमाडौं—स्वास्थ्य तथा जनसंख्यामन्त्री प्रदीप पौडेलले पाँच जनाको विज्ञ सल्लाहकार समिति गठन गरेका छन् । सोमबार मन्त्री पौडेलले मन्त्रीस्तरीय निर्णय गर्दै अवैतनिक विज्ञ सल्लाहकार समिति गठन गरेका हुन् ।

समितिमा पूर्व स्वास्थ्य सचिव डा. सुधा शर्मा, वरिष्ठ मुटु रोग विशेषज्ञ प्रा.डा. भगवान कोइराला, गण्डकी प्रदेश सरकारको योजना आयोगका पूर्व उपाध्यक्ष रघु काफ्ले रहेका छन् । यसैगरी, पूर्व स्वास्थ्यमन्त्री गगन थापाका सल्लाहकार प्रताप पौडेल र अमित भण्डारी रहेका छन् ।

समितिले मन्त्री पौडेललाई मन्त्रालयका गतिविधी प्रभावकारी बनाउन सल्लाह दिने बताइएको छ ।