कांग्रेसको चुनावी प्रतिबद्धताः ओखती र ओत दिने नेपाल

जनकपुर—नेपाली कांग्रेसले चुनावी प्रतिबद्धतामा स्वास्थ्यलाई ‘ओखती र ओत दिने नेपाल’का रुपमा समेटेको छ । बुधबार जनकपुरमा आयोजित सभामा नेपाली कांग्रेसका सभापति गगनकुमार थापाले सार्वजनिक गरेको प्रतिवद्धता पत्रमा ‘ओखती र ओत दिने’ नेपाल शीर्षकमा स्वास्थ्यका प्रतिवद्धताहरु समेटेको छ ।

जसमा गर्भावस्थादेखि वृद्धावस्थासम्म नै नागरिकको स्वास्थ्यप्रति संवेदनशील र जिम्मेवार हुने उल्लेख छ । उसले घरमा कसैलाई रोग लागि हालेमा कसरी उपचार गर्ने र अस्पतालको शुल्क कसरी तिर्ने डरबाट नागरिकलाई मुक्त गर्ने प्रतिबद्धता जनाएको छ ।

विगतको भन्दा निकै संक्षिप्त प्रतिबद्धता पत्र बनाएको कांग्रेसले स्वास्थ्य सेवा राज्यको परोपकार होइन् उपचार नागरिकको मौलिक अधिकार हो भन्ने मान्यताका आधारमा औषधी र अस्पतालको ओत दिनु राज्यको कर्तव्य हुने उल्लेख गरेको छ ।

कांग्रेसको स्वास्थ्य बीमामार्फत राज्यले यो दायित्व पूरा गर्ने जनाएको छ । ‘विकसित देशको स्तरको उन्नत स्वास्थ्य बीमा प्रणालीमार्फत राज्यले यो जिम्मेवारी पूरा गर्नेछ,’ कांग्रेसको प्रतिवद्धतामा छ ।