बलात्कार प्रयास गरेको उजुरीपछि मेडिसिटी अस्पतालका डाक्टर झा पक्राउ

काठमाडौं—बलात्कारको प्रयास गरेको आरोपमा एक युवतीको उजुरी परेपछि मेडिसिटी अस्पतालका एक जना चिकित्सक पक्राउ परेका छन् । सोमबार साँझ ललितपुर प्रहरीमा बलात्कारको प्रयास गरेको उजुरी परेपछि मेडिसिटीका चिकित्सक डा. रोहितकुमार झा पक्राउ परेका हुन् ।

‘उहाँमाथि चेकअपका क्रममा बलात्कारको प्रयास गरेको केस परेको छ,’ ललितपुर प्रहरीका सह—प्रवक्ता सन्तोष तामाङले हेल्थआवाजसँग भने, ‘रोहित झा भन्ने जनरल प्याक्टिसनर डाक्टरलाई हामीले अहिले साढे ५ बजेतिर अस्पतालबाटै पक्राउ गरेका हौं ।’

सह—प्रवक्ता तामाङले एक जना युवतीले आफू चेकअपका लागि जाँदा चिकित्सक झाले आफूमाथि एटेम्प टु रेपको प्रयास गरेको आरोपसहितको उजुरी ललितपुर प्रहरी परिसरमा दिएपछि उनलाई पक्राउ गरिएको हो । अहिले झामाथि थप अनुसन्धान अगाडि बढाइएको तामाङले बताए ।