कञ्चनपुरमा स्वास्थ्य चौकीको लापरवाहीले शिशुको मृत्यु भएको आरोप

कञ्चनपुरमा स्वास्थ्य चौकीको लापरवाहीका कारण शिशुको मृत्यु भएको आरोप लागेको छ । कृष्णपुर नगरपालिका वडा नम्बर २ वाणीमा स्वास्थ्य चौकीमा कार्यरत स्वास्थ्यकर्मीको लापरवाहीका कारण स्थानीय ममता विष्टको नवजात शिशुको मृत्यु भएको आरोप लागेको हो।

ममताका ससुरा करण विष्टले भने ‘१८ गते राती एक वजे बुहारीलाई सुत्केरी वेथा लागेको थियो तर हामीले विहान ६ बजे मात्रै स्वास्थ्य चौकी पुगाएका हौँ।’ ‘उक्त दिनभरी ममतालाई स्वस्थ्य चौकीमै राखिएको थियो ।’ करनले भने ‘दोस्रो दिन स्वास्थ्य चौकीले नै वेथा नलागेको भन्दै घर पठाएको हो।’

तर ममताको स्वास्थ्यमा समस्या हुन लागेपछि उनलाई सेती प्रादेशिक अस्पताल धनगढी ल्याईएको थियो । तर कृष्णपुर स्वास्थ्य चौकीका प्रमुख बंशीराज भट्टले स्वास्थ्य चौकीको लापरवाहीका कारण शिशुको मृत्यु भएको आरोप गलत भएको बताए।

उनले सुत्केरीका लागि पुगेकी विष्टलाई स्वास्थ्य चौकीमा सम्भव नभएपछि धनगढी रेफर गरिएको बताए । रेफर गर्दा शिशुको अवस्था समान्य नै रहेको दावी गरिएको छ । प्रसुती गराउन ढिलाई भएपछि शिशुले दिशा खाएर मृत्यु भएको अस्पतालले पुष्टि गरेको प्रहरीले जनाएको छ ।