सिंजाको कालिका खेतु प्राथमिक स्वास्थ्य केन्द्रमा रेविज विरुद्धको खोप लगाइने

जुम्ला—जुम्लाका दुई स्थानमा रेविज विरुद्धको निःशुल्क खोप लगाइने भएको छ । कर्णाली स्वास्थ्य विज्ञान प्रतिष्ठान शिक्षण अस्पताल र सिंजा क्षेत्रको हिमा गाउँपालिकास्थित प्राथमिक स्वास्थ्य केन्द्र कालिका खेतुमा रेविज विरुद्धको निःशुल्क खोप लगाइने भएको हो ।

जनस्वास्थ्य कार्यालय जुम्लाका प्रमुख किरण शर्मामा अनुसार यसभन्दा अघि जुम्लाको एउटै ठाउँ कर्णाली स्वास्थ्य विज्ञान प्रतिष्ठानमा मात्रै रेविज विरुद्धको खोप लगाउने व्यवस्था रहेको थियो । अहिले प्राथमिक स्वास्थ्य केन्द्र कालिका खेतुमा अस्थायी सेन्टर सञ्चालनमा ल्याएर रेविज विरुद्धको खोप लगाउन थालिएको हो ।

‘सिंजा क्षेत्रमा रेविज विरुद्धका केसहरु बढ्न थाले । त्यहाँ आवश्यकता नै थियो । अस्थायी सेन्टर भएपनि माग गरेका थियो । प्राथमिक स्वास्थ्य केन्द्रमा दुई जना चिकित्सक पनि भएकाले रेविज विरुद्धको खोप सञ्चालन गर्न सहज भएको छ,’ प्रमुख शर्मा भने ।