२०७९ असार २३, बिहीबार
Health Aawaj logo
गृहपृष्ठअन्यविश्वमा हरेक चारमध्ये एक जनामा क्षयरोगको व्याक्टेरिया

विश्वमा हरेक चारमध्ये एक जनामा क्षयरोगको व्याक्टेरिया


एजेन्सी । विश्वमा कुल जनसंख्याको एक चौथाई जनसंख्यामा क्षयरोग (टिबी) को उच्च जोखिम रहेको पाइएको छ । पछिल्लो पटक सार्बजनिक भएको एक अध्ययनले सो जानाकारी दिएको हो । युरोपियन रेस्पिरेटरी जर्नलमा प्रकाशित सो अध्ययनले विश्वमा हरेक चार जनामध्ये एक जनाको शरिरमा टिबीको व्याक्टेरिया हुने उल्लेख छ । क्षयरोग माइकोव्याक्टेरियम ट्युवरकुलोसिस  नामक किटाणुबाट लाग्ने एक किसिमको सरूवा रोग हो । यो श्वासप्रश्वासको माध्यमबाट एक व्यक्तिबाट अर्को व्यक्तिमा  सर्छ ।

अध्ययनका लागि डेनमार्क र स्वीडेनका अनुसन्धानकर्ताहरुले ३६ देशमा भएका क्षयरोग संक्रमणको विभिन्न घटनाको समिक्षा गरेका थिए

क्षयरोगले वर्षेनी विश्वभर एक करोड मानिसहरुलाई प्रभावित गरेको छ । त्यस्तै, क्षयरोगबाट वर्सेनी २० लाख मानिसको मृत्यु हुने गरेको छ । ३ लाख ५१ हजार ८ सय ११ जनामा गरिएको सो अध्ययनले सन् २०३५ बाट क्षयरोगलाई उन्मुलन गर्ने विश्व स्वास्थ्य संगठनको लक्ष्य जटिलउन्मुख भएको जनाएको छ । ‘क्षयरोगलाई समयमै उन्मुलन नगरे यसले विकराल रुप लिन सक्छ । क्षयरोग संक्रमित मानिसमा जीवनको उत्तराद्र्धमा पनि यो रोगको जोखिम देखिन्छ ।’ डेनमार्कस्थित आरहस युनिर्भसिटीका सह प्राध्यापक क्रिष्टियन विजेसीले भने ।

अध्ययनका लागि डेनमार्क र स्वीडेनका अनुसन्धानकर्ताहरुले ३६ देशमा भएका क्षयरोग संक्रमणको विभिन्न घटनाको समिक्षा गरेका थिए । विक्रम संबत २०७० को तथ्यांक अनुसार नेपालमा करिब ६० प्रतिशत जनसंख्या क्षयरोगबाट संक्रमित छन्। तीमध्ये झन्डै ९० हजार मानिस क्षयरोगबाट पीडित छन् भने झन्डै ७ हजार व्यक्तिको हरेक वर्ष क्षयरोगबाट मृत्यु हुन्छ ।


क्याटेगोरी : अन्य



तपाईको प्रतिक्रिया दिनुहोस


ट्रेण्डिङ

जम्मा संक्रमित (नेपाल)
निको भएको
मृत्यु
जम्मा संक्रमित (विश्व)