प्रा.डा. रमेशसिंह भण्डारीले ल्याए ‘तिमी नै तिमी नै’

काठमाडौं-त्रिवि शिक्षण अस्पतालका ग्यास्ट्रो तथा कलेजो प्रत्यारोपण सर्जन प्रा.डा. रमेशसिंह भण्डारीले नयाँ म्युजिक भिडियो सार्वजनिक गरेका छन् । शुक्रबार डा. भण्डारीको युट्युब च्यानलमार्फत सार्वजनिक गरिएको ‘तिमी नै तिमी नै’ बोलको म्युजिक भिडियो एआई एनिमेसनबाट बनाइएको छ ।

डा. भण्डारीको सुमधुर स्वरमा रहेको गीतको रचना र कम्पोजिसन डा. भण्डारीले नै गरेका हुन् । गीतको मिक्सिङ तथा एरेन्जमेन्ट प्रदीप जोशीको रहेको छ ।

यसअघि प्रा.डा. भण्डारीका ८ वटा गीतहरु सार्वजनिक भइसकेका छन् । जसमा ‘निलो आकाश’, ‘तिम्रो नै माया लाग्छ’, ‘एउटा जीवन यस्तो थियो’, ‘कसरी भनुँ’, ‘मायालु भाका’लगायत रहेका छन् ।