आईसीयुका लागि एकीकृत एआई, टेलिमेडिसन र इन्टरनेशन अफ थिङ्स प्रणालीले ताइवानको चाइना मेडिकल युनिभर्सिटी अस्पताल (सीएमयुएच)मा उपचारमा हुने समग्र मृत्युदर घटाएको छ ।
एचआईएमएसएस२५ एपीएसी कार्यक्रममा सीएमयुएचका डिजिटल ट्रान्सफर्मेसन टेक्नोलोजी अफिसका निर्देशक डा. वेन शेङ फेङले आईसीयुमा स्केलेबल एआई सञ्चालित प्रणाली कसरी निर्माण गर्न सुरु गरियो र यो कसरी काम गर्छ भन्नेबारेमा प्रस्तुती दिए ।
पहिले, उनीहरूको चिकित्सकहरूले बिरामीको अवस्थाको पूर्ण चित्र बनाउन धेरै डेटा प्लेटफर्महरूबीच स्विच गर्नुपर्थ्यो। ‘यो विखण्डनले त्रुटि र ढिलाइको जोखिम बढाउँछ, क्लिनिकल टोलीलाई थकित बनाउँछ र समयमा क्लिनिकल समस्यामा प्रतिक्रिया दिन कठिन बनाउँछ। यसले अझ स्मार्ट समाधानको तत्काल आवश्यकता देखाउँछ,’ डा. फेङले भने।
सीएमयुएचको हाइथिङ्स टेलि-आईसीयु प्रणालीले हजारौँ मेडिकल उपकरणहरूबाट प्रत्यक्ष तथ्यांक सङ्कलन र विश्लेषण गर्छ र क्लिनिकल निर्णय-निर्माणलाई समर्थन गर्ने एआई मोड्युलहरू समावेश गर्छ। यसले विभिन्न उपकरणहरूबाट सहज टेलिकन्सल्टेसन र रिमोट मोनिटरिङलाई पनि समर्थन गर्छ।
डा. फेङका अनुसार, एकीकृत आईसीयु प्रणालीमा दुई प्रमुख प्रयोगकर्ता इन्टरफेस छन्स्
- ओभरभ्यू प्यानल: आईसीयुका अद्यावधिक तथ्यांक प्रस्तुत गर्छ।
- डिजिटल ट्विन प्यानल : बिरामी(विशिष्ट मोडेल सिर्जना गरेर विस्तृत र करिब प्रत्यक्ष समयको दृश्य दिन्छ।
ओभरभ्यू प्यानलले तत्काल ध्यान आवश्यक पर्ने उच्च-जोखिमका बिरामीहरू पहिचान गर्न मद्दत गर्छ। यस प्यानलको मुख्य विशेषता ‘इन्फेक्सन कन्ट्रोल म्याप’ हो, जसले रंग-कोड गरिएको संकेतहरू प्रयोग गरेर सम्भावित संक्रमण फैलावटलाई छिटो पत्ता लगाउन र प्रतिक्रिया दिन मद्दत गर्छ। अर्को विशेषता ‘इक्विपमेन्ट ट्र्याकिङ म्याप’ हो, जसले आईसीयु उपकरणहरूको स्थान र स्थितिलाई करिब प्रत्यक्ष समयमा ट्र्याक गर्छ, जसले नर्सहरूको ह्यान्डओभर समयमा इन्वेन्टरी समय ६० प्रतिशतभन्दा बढी घटाउँछ।
त्यस्तै, डिजिटल ट्विन प्यानलमा थ्रीडी मानव मोडेलिङ छ, जसले बिरामीको विस्तृत तस्बिर दिन्छ। यसमा ‘लाइफ सपोर्ट डिभाइस ड्यासबोर्ड’ पनि छ, जसले उपचारका सिफारिसहरू दिन सक्छ।
‘यो टेलि-आईसीयु प्रणालीमा छ वटा एआई अनुप्रयोगहरू छन्, जसले विशेष गम्भीर अवस्थाहरूलाई सम्बोधन गर्छ र ‘अद्यावधिक डेटा सक्रिय र निरन्तर विश्लेषण गर्छ,’ डा. फेङले बताए।
यसमा सेप्सिस, गम्भीर मुटु संक्रमण (STEMI), एक्यूट रेस्पिरेटरी डिस्ट्रेस सिन्ड्रोम (ARDS) र स्ट्रोक पत्ता लगाउने एआई छन्। त्यस्तै, पोषण सिफारिस गर्ने एआई र जेनेरेटिभ एआई-आधारित स्पीच-टु-टेक्स्ट उपकरण पनि छ, जसले मेडिकल र नर्सिङ डक्युमेन्टेसनमा सहयोग गर्छ।
डा. फेङकाअनुसार एकीकृत प्रणालीले आईसीयुमा मृत्युदर ४ प्रतिशतले घटाएको छ। यसले एमआरएसए (MRSA) संक्रमण र मुटु आक्रमणका कारण हुने मृत्यु घटाएको मात्र होइन, मल्टिड्रग प्रतिरोध र डिलिरियमका घटनाहरू कम गरेको छ र पोषण लक्ष्य प्राप्ति दर बढाएको छ।
वर्कफ्लो पक्षमा, आईसीयु प्रणालीले स्ट्रोकको मस्तिष्क सिटी स्क्यान र एआरडिएस (ARDS) को आधारमा निदान समय घटाएको छ, साथै तथ्यांक सङ्कलन, डक्युमेन्टेसन, इन्वेन्टरी र पोषण मूल्याङ्कनमा खर्च हुने समय घटाएको छ।
‘हाइथिङ्स टेलि-आईसीयु हाल सीएमयुएचका ६ वटा आईसीयुमा कार्यान्वयन गरिएको छ, प्रत्येक युनिटका लागि अनुकूलित गरिएको छ, जसले यसलाई ‘व्यवहारिक र दैनिक प्रयोगका लागि उपयुक्त’ बनाएको छ,’ डा. फेङले भने।
mobihealthnews.com बाट भावानुवाद
