नर्थ क्यारोलिना—ड्युक हेल्थका अनुसन्धानकर्ताहरूले दुई दशक भन्दाअघि सुरु गरिएको क्लिनिकल परीक्षणबाट प्राप्त भएको अभुतपूर्व नतिजा हालै सार्वजनिक गरेका छन् ।
एडभान्स क्यान्सर भएका महिलाहरुको सानो समूहले भ्याक्सिन लिएका थिए र सबै सहभागीहरु आजसम्म जीवित छन् । साथै, उनीहरूमा क्यान्सर पहिचान गर्न सक्ने बलियो र दीर्घकालीन प्रतिरक्षा कोषिकाहरू विकसित भएको भेटिएको छ।
एबीसी११ले अध्ययन सहभागी लोरी लोबरसँग कुरा गरेको थियो। सुरुमा उनलाई अत्यन्तै निराशाजनक भविष्यवाणी गरिएको थियो—२–३ प्रतिशत भन्दा पनि कम पाँच वर्ष बाँच्ने सम्भावना । तर ड्युक हेल्थको परीक्षणले उनलाई नयाँ आशा दियो। उनी २४ वर्षदेखि रोगमुक्त छिन्।
उनले भनिन्, ‘मैले केही हप्ताअघि ह्यालोविनमा ६२ वर्ष पूरा गरेँ र म यो संसारकै सबैभन्दा धन्य मानिसमध्ये एक जस्तो महसुस गर्छु, किनकि म जीवनलाई पूरा रूपमा बाँचिरहेकी छु।’
ड्युक हेल्थका डा. ज्याकरी हार्टम्यान ले इम्युनोथेरापीको सम्भावनालाई प्राथमिकता दिए। उनकाअनुसार, ‘यसको वास्तविक प्रतिज्ञा भनेको शरीरभरिका क्यान्सर कोशिकाहरूलाई समाप्त गर्न सक्नु हो। तपाईं तिनीहरूलाई केही समयका लागि दमन मात्र गर्दै हुनुहुन्न, तपाईंले वास्तवमै आफ्नो शरीरलाई तिनीहरूविरुद्ध लड्न सिकाउन सक्नुहुन्छ।’
अनुसन्धानकर्ताहरू यस विधिले भविष्यमा क्यान्सर उपचारमा ठूलो प्रगति ल्याउनेमा आशावादी छन्।
एबीसी११बाट भावानुवाद
