नापी कार्यालय धनुषाका अधिकृत सहित २९ जना कर्मचारीमा एकैपटक संक्रमण पुष्टि

जनकपुर – नापी कार्यालय धनुषाका अधिकृतलाई संक्रमण पुष्टि भएपछि कार्यालयका कर्मचारीको स्वाव संकलन गरी पिसिआर परीक्षण गर्दा सबै कर्मचारीमा कोरोना संक्रमण पुष्टि भएको छ । एकैपटक एउटै कार्यालयका २९ जना कर्मचारीमा पहिलोपटक संक्रमण देखिएको हो ।

आइतबारदेखि नै बन्द रहेको कार्यालयका अधिकांश कर्मचारीहरु संक्रमित भएपछि कार्यालय अझै बन्द रहने भएको छ ।

अत्याधिक मात्रामा सेवाग्राहीको भिड रहने नापी कार्यालयका संक्रमित कर्मचारीको सम्पर्कमा रहेका अधिकांश सेवाग्राही पनि जोखिममा रहेकाले सतर्क रहनका लागि कार्यालयले आग्रह गरेको छ ।