धनगढी उपमहानगरद्वारा भ्याक्सिन खरिदका लागि स्वास्थ्य मन्त्रालयसँग अनुमति माग

धनगढी–सुदूरपश्चिमको धनगढी उपमहानगरपालिकाले कोभिड–१९ विरुद्धको भ्याक्सिन खरिदका लागि स्वास्थ्य तथा जनसंख्या मन्त्रालयसँग अनुमति मागेको छ । शुक्रबार धनगढीका मेयर नृप वडले स्वास्थ्य मन्त्रालयलाई पत्र लेखेर खोप खरिदका लागि अनुमति मागेका हुन् ।

उनले नगरवासीबाट कोभिड–१९ विरुद्धको खोप चाडो उपलब्ध गराउनुपर्ने अत्याधिक माग आएको पत्रमा उल्लेख गरेका छन् । मेयर वडले नागरिकको जीवन रक्षाका लागि नेपाल सरकारको मूल्य र मापदण्डअनुसार कोभिड–१९ भ्याक्सिन उपलब्ध गराइदिन तथा खरिदका लागि अनुमति प्रदान गर्न माग गरेका छन् ।

धनगढीको उक्त पत्र सुदूरपश्चिम प्रदेश सरकारका मुख्यमन्त्री र सामाजिक विकास मन्त्रालयलाई बोधार्थ पठाइएको छ ।