२०८१ साउन ५, शनिबार
Health Aawaj logo
गृहपृष्ठटिप्सयी हुन् स्वस्थ गर्भावस्थाका पाँच लक्षणहरू

यी हुन् स्वस्थ गर्भावस्थाका पाँच लक्षणहरू


आमा बन्नु कुनै पनि महिलाको लागि सबैभन्दा सुखद अनुभूति हो । गर्भावस्थाको समयमा एक महिला सधैँ आफ्नो बच्चाको स्वस्थ प्रति चिन्तित हुने गर्छन् । गर्भावस्थामा डाक्टरहरूले भ्रूणको स्थिति र वृद्धि निर्धारण गर्न अल्ट्रासाउन्ड र अन्य परीक्षणहरू गराउने गर्छन् । तर गर्भमा रहेको बच्चा स्वस्थ छ कि छैन ? भनेर गर्भवती महिला आफैले पनि केही अन्दाज लगाउन सकिन्छ । आज यस लेखमा हामी तपाईँलाई स्वस्थ गर्भावस्थाका ५ लक्षण बताइरहेका छौँ ।

गर्भमा रहेको भ्रूण चल्ने

गर्भमा रहेको बच्चा चलेको महसुस हुनु स्वस्थ गर्भावस्थाको प्रमुख लक्षण हो । गर्भावस्थाको पाँचौँ वा छैटौँ महिनामा, बच्चा गर्भमा चल्न थाल्छ । सातौँ वा आठौँ महिना पछि बच्चाले आफ्नो स्थिति परिवर्तन गर्न र लात मार्न थाल्छ । यदि तपाईँलाई यी लक्षणहरू महसुस भयो भने तपाईँको बच्चा स्वस्थ रहेको बुझ्न सकिन्छ ।

पेटको आकारमा वृद्धि

जब गर्भमा  बच्चा बढ्छ पाठेघरको आकार पनि बढ्न थाल्छ । जसका कारण गर्भवती महिलाको पेट बाहिर निस्कन थाल्छ । यदि गर्भावस्थामा पेटको आकार बढ्दै गएको छ भने यो स्वस्थ गर्भावस्थाको सङ्केत हो ।

स्तन परिवर्तन

गर्भावस्थाको समयमा महिलाको स्तनमा धेरै परिवर्तनहरू हुन्छन् । वास्तवमा, गर्भावस्थामा एस्ट्रोजेन र प्रोजेस्टेरोन हर्मोनको मात्रा बढ्दा स्तनको आकार बढ्छ । साथै, स्तनमा दुखाइ हुन सक्छ । यी सङ्केतहरूले तपाईँको शरीर प्रसवको लागि तयार भइरहेको सङ्केत गर्दछ ।

महिलाको तौल बढ्नु

गर्भवती महिलाको तौल बढ्नु पनि स्वस्थ गर्भावस्थाको सङ्केत हो । सम्पूर्ण गर्भावस्थाको समयमा, महिलाको वजन ८ देखि १० किलोग्राम सम्म बढ्न सक्छ । तर, योभन्दा बढी तौल बढ्नाले गर्भावस्थामा जटिलता आउन सक्छ । यदि तपाईँ स्वस्थ तौल बढ्दै हुनुहुन्छ भने, यसको मतलब तपाईँको बच्चाको विकास ठिकसँग भइरहेको छ ।

सुत्केरी हुनु अघि बच्चाको स्थिति

गर्भावस्थाको अन्तिम महिनामा बच्चा पूर्ण रूपमा विकसित हुन्छ । नवौँ महिनामा बच्चाको चाल समाप्त हुन्छ वा कम हुन्छ । यस समयमा बच्चा जन्मनहर तिर जान थाल्छ । सुत्केरी हुनु अघि बच्चाको अवस्था पनि स्वस्थ गर्भावस्थाको सङ्केत हो ।

नोटः यी सबै सङ्केत र लक्षणहरूले तपाईँ स्वस्थ गर्भावस्थाको सङ्केत गर्दछ । तर, यी सबै लक्षण देखिए पनि गर्भावस्थामा जटिलता आउन सक्छ । कुनै समस्या महसुस भएमा तुरुन्त चिकित्सकलाई सम्पर्क गर्नुहोस् ।

–एजेन्सीको सहयोगमा


क्याटेगोरी : टिप्स



तपाईको प्रतिक्रिया दिनुहोस


ट्रेण्डिङ