२०८० मंसीर २०, बुधबार
Health Aawaj logo
गृहपृष्ठटिप्सदीपावली अघि आफ्नो छालामा चमक ल्याउन यसरी प्रयोग गर्नुहोस् घरेलु फेस प्याक

दीपावली अघि आफ्नो छालामा चमक ल्याउन यसरी प्रयोग गर्नुहोस् घरेलु फेस प्याक


चाडपर्वको समयमा हरेक महिलाले आफ्नो छाला चम्किलो होस् भन्ने चाहन्छन् । यसका लागि धेरैले विभिन्न प्रयास गर्छन् । दीपावली अर्थात् भाइटीका र छठ पूजा अर्को हप्ता सुरु हुँदैछ । यस समयमा सबै जना आफ्नो छालामा तत्काल चमक चाहन्छन् ।  यदि तपाइसँग पार्लर जानको लागि धेरै समय छैन भने, चिन्ता नगर्नुहोस् । आज यस लेखमा हामी तपाईँलाई केही सजिलो उपायहरू बताउनेछौँ, जसबाट तपाईले आफ्नो अनुहारमा तुरुन्त चमक ल्याउन सक्नुहुन्छ । यसका लागि तपाईँलाई धेरै महँगो वस्तुहरू चाहिँदैन । आफ्नै घरमा राखिएका केही चीजहरू मात्र प्रयोग गरेर अनुहारमा चमक ल्याउन सक्नुहुन्छ । आउनुहोस् अनुहारमा तुरुन्तै चमक ल्याउने उपाय हेरौँ ।

दूध प्रयोग गर्नुहोस्

आफ्नो अनुहारमा तुरुन्त चमक प्राप्त गर्न दूध प्रयोग गर्न सक्नुहुन्छ । यो सबैभन्दा प्रभावकारी उपाय मध्ये एक हो । यसलाई प्रयोग गर्न पहिले १ सानो कचौरा लिनुहोस् । यसमा २ चम्चा ओटमिल, २ चम्चा काँचो दूध र २ चम्चा मह मिसाउनुहोस् । अब राम्रोसँग यी तीन चिजहरूलाई मिसाउनुहोस् । त्यसपछि अनुहारमा लगाउनुहोस् र लगभग १० मिनेट यतिकै राख्नुहोस् । यस पछि अनुहार सफा गर्नुहोस् । यसले छालाबाट मृत कोशिकाहरू हटाउनुका साथै अनुहारमा तुरुन्तै चमक आउँछ ।

बेसन र बेसार

अनुहारमा चमक ल्याउन बेसन र बेसारको प्रयोग गर्नुहोस् । यो फेसप्याक प्रयोग गर्नको लागि पहिले एउटा कचौरा लिनुहोस् । त्यसमा करिब २ चम्चा बेसार र एक चिम्टी बेसन मिसाउनुहोस् । त्यसपछि गुलाबजल मिसाएर यसको पेस्ट तयार पार्नुहोस् । अब यो मिश्रण अनुहारमा लगाउनुहोस् र सुख्खा हुन छोड्नुहोस् । जब फेस प्याक सुक्छ तब मात्रै आफ्नो अनुहार धुनुहोस् । यसले छालाको रङ्गमा सुधार ल्याउनेछ ।

मुलतानी मिट्टी र चन्दन फेस प्याक

दीपावलीको अवसरमा धेरै सुन्दर देखिन चाहनुहुन्छ भने चन्दन र मुलतानी मिट्टीले बनेको फेस प्याक अनुहारमा लगाउनुहोस् । यसको प्रयोगले तपाईँको अनुहार चम्किलो हुनेछ । यो फेस प्याक तयार गर्न एउटा कचौरा लिनुहोस् । यसमा करिब २ चम्चा मुलतानी मिट्टी र २ चम्चा चन्दनको धुलो मिलाउनुहोस् । अब त्यसमा गुलाबजल हालेर पेस्ट तयार पार्नुहोस् । तयार भएको फेस प्याकलाई अनुहारमा लगाउनुहोस् र १० मिनेटसम्म सुकाउन दिनुहोस् । पछि सामान्य पानीले आफ्नो अनुहार सफा गर्नुहोस् ।

नोट: दीपावलीको अवसरमा आफ्नो अनुहारमा तुरुन्तै चमक ल्याउन यी प्रभावकारी उपायहरूको मद्दत लिन सक्नुहुन्छ । यदि तपाईंको छाला धेरै खराब छ र अन्य कुनै समस्या छन् भने तपाईंले यस्तो अवस्थामा आफ्नो छाला हेरचाह विशेषज्ञको मद्दत लिनुपर्छ ।

–एजेन्सीको सहयोगमा


क्याटेगोरी : टिप्स



तपाईको प्रतिक्रिया दिनुहोस


ट्रेण्डिङ