प्राविधिक नराखी औषधि बेच्ने फार्मेसीका संचालक जमानतमा रिहा

विराटनगर—प्राविधिक नराखी औषधि पसल संचालक गर्ने विराटनगर–९ स्थित आँगन फार्मेसीका संचालक जयकुमार पुलामी मगरलाई औषधि व्यवस्था विभाग विराटनगरले हाजिर जमानतमा छोडेको छ ।

२१ दिन भित्रमा सम्पूर्ण नियमन पूरा गरेको कागजपत्र औषधि व्यवस्था विभाग विराटनगरमा बुझाउने प्रतिवद्धता गरेपछि विभागले तारेखमा सोमबार छोडेको हो ।

आइतबार गरेको अनुगमनका क्रममा विभागबाट आएको टोलीले प्राविधिक बेगर फार्मेसी संचालन गरेको पाइएपछि मगरलाई पक्राउ गरेको थियो ।

फार्मेसी संचालनमा ल्याउँदा अनिवार्य औषधि सल्लाकार समितिबाट ३ महिनाको ‘ओरेन्टेसन’ तालिम लिएको वा फार्मेसीमा ३ वर्षे डिप्लोमा गरेको प्राविधिक हुनुपर्ने व्यवस्था छ ।