प्रधानमन्त्रीका सबै स्वास्थ्य सूचांक सामान्य, कालो चिया दिइयो

काठमाडौं—दोस्रो पटक मिर्गौला प्रत्यारोपण गरिएका प्रधानमन्त्री केपी शर्मा ओलीको सबै स्वास्थ्य सूचांक सामान्य अवस्थामा रहेको चिकित्सकहरुले जनाएका छन् ।

त्रिवि शिक्षण अस्पतालका निर्देशक प्रा.डा. प्रेम खड्गाले भर्खरै प्रधानमन्त्रीलाई कालो चिया दिइएको बताए ।

‘प्रधानमन्त्रीका सबै स्वास्थ्य सूचांक ठीक छन्,’ उनले भने, ‘अहिले भर्खरै हामीले कालो चिया दिएका छौं ।’

बुधबार प्रधानमन्त्री ओलीको दोस्रो पटक मिर्गौला प्रत्यारोपण गरिएको थियो ।