प्रधानमन्त्रीको स्वास्थ्यमा अपेक्षाकृत सुधार, हिडडुल गराउन थालियो

काठमाडौं—प्रधानमन्त्री केपी शर्मा ओलीको मिर्गौला प्रत्यारोपण भएको तेस्रो दिन उनको स्वास्थ्यमा अपेक्षाकृत क्रमिक सुधार भैरहेको अस्पतालले जनाएको छ ।

बुधबार त्रिवि शिक्षण अस्पतालमा दोस्रो पटक मिर्गौला प्रत्यारोपण गरेका ओलीलाई शुक्रबार तेस्रो दिन हिडडुल गराउन र ठोक खानेकुरा दिन थालिएको छ । ‘आजदेखि उहाँलाई हिडडुल गराउन थालिएको छ । साथै, ठोस आहार दिन थालिएको छ ।’

अस्पतालका कार्यकारी निर्देशक प्रा.डा. प्रेमकुष्ण खड्गाकाअनुसार प्रधानमन्त्री सबै भाइटल तथा ल्याब सूचकहरु पनि सामान्य अवस्थामा छन् ।

प्रधानमन्त्रीलाई मिर्गौला दान गरेकी उनकी भान्जी समीक्षा संग्रौलाको स्वास्थ्यमा पनि क्रमिक सुधार भएको छ । उनलाई पनि ठोस खानेकुरा दिन थालिएको अस्पतालले जनाएको छ ।