कोरोनाभित्र लुकेको स्वाइन र हङकङ फ्लू

काठमाडौं—कोरोना भाइरस (कोभिड—१९) को नियन्त्रणमा राज्य लागेका बेला इन्फ्लुएन्जा (मौसमी रुघाखोकी) अन्तर्गत स्वाइन फ्लू र हङकङ फ्लूको संक्रमण देखिन थालेको छ ।

राष्ट्रिय जनस्वास्थ्य प्रयोगशालाका अनुसार ‘इन्फ्लूएन्जा ए (एच१एन१) पीडीएम ०९’ र इन्फ्लुएन्जा ए एच३एच२ अर्थात हङकङ फ्लूका बिरामी बढेका छन् । राष्ट्रिय जनस्वास्थ्य प्रयोगशालाकी निर्देशक डा. रुणा झाका अनुसार स्वाइन फ्लू र हङकङ फ्लूका बिरामी अहिले बढेका छन् ।

दैनिक ५० जनासम्मको नमुना परीक्षणका लागि ल्याबमा आउने गरेको छ । शहीद शुक्रराज ट्रपिकल तथा सरुवा रोग अस्पतालका सरुवारोग विशेषज्ञ डा. अनुप बाँस्तोलाका अनुुसार अस्पतालमा दैनिक ३० जनासम्म ज्वरो र रुघाखोकीका बिरामी टेकु आउने गरेको बताए ।

प्रयोगशालाको रिपोर्टअनुसार स्वाइन फ्लू, एचवान एनवान २ सय ७८ परिक्षण गरेकामध्ये १३ जनामा पोजेटिभ देखिएको छ । त्यस्तै, हङकङ फ्लू ८१ जनाको नमुना परिक्षणमध्ये ११ जनामा पोजेटिभ देखिएको छ ।