बिरामी भर्ना नलिएको विषयमा ग्राण्डी र अल्का अस्पताललाई स्पष्टीकरण

काठमाडौं-स्वास्थ्य तथा जनसंख्या मन्त्रालयले ग्राण्डी र अल्का अस्पताललाई स्पष्टीकरण सोधेको छ । रुघाखोकी र ज्वरोका बिरामीलाई भर्ना लिन नमानेको विषय मन्त्रालयमा पुगेपछि मन्त्रालयले दुवै अस्पताललाई स्पष्टीकरण सोधेको हो ।

मन्त्रालयका प्रमुख विशेषज्ञ डा. रोशन पोखरेलले दुवै अस्पतालका सञ्चालकहरुलाई अस्पतालमा बोलाएर स्पष्टीकरण दिन भनेका थिए । तर, मंगलबार ग्राण्डी अस्पतालका मेडिकल निर्देशक डा. चक्रराज पाण्डे मात्रै मन्त्रालयमा आएर आफूहरुले अबदेखि बिरामी नफर्काउने र भर्ना प्रतिवद्धता जनाएका छन् ।

अल्का अस्पताललाई पनि २४ घण्टे स्पष्टीकरण सोधिएकोमा अल्काका प्रतिनिधीहरु भने स्पष्टीकरण दिन आएका छैनन् ।