भेरी अस्पतालको अध्यक्षमा धिताल, तीन सदस्य पनि नियुक्त

काठमाडौं–सरकारले नेपालगञ्जस्थित भेरी अस्पताल विकास समितको अध्यक्षमा प्रमोदकुमार धिताललाई नियुक्त गरेको छ ।

स्वास्थ्य तथा जनसंख्या मन्त्रीस्तरीय निर्णय गरी धिताललाई तीन वर्षका लागि अध्यक्षमा नियुक्त गरेको जानकारी अस्पताललाई प्राप्त भएको अस्पतालमा मेडिकल सुपरिटेण्डेन्ट डा. प्रकाश थापाले जानकारी दिए ।

अध्यक्ष धितालसँगै रिक्त रहेको तीन सदस्य पदमा कृष्णप्रसाद श्रेष्ठ, धनीराम ओली र सरस्वती मल्ललाई नियुक्त गरिएको छ ।

नियुक्तिमा भेरी अस्पताल विकास समिति गठन आदेश २०७६ को दफा ३ को उपदफा २ क अनुसार नियुक्त हुने उल्लेख छ ।